Kroacia ka fituar 2-0 ndaj Nigerisë duke marrë kryesimin në Grupin C të Kupës së Botës 2018.
Kur u mbush gjysmë ore lojë erdhi goli i parë kur kroatët, të cilët përfituan nga fakti që Oghenekaro Etebo devijoi topin në portën e tij, duke ndalur vrullin e afrikanëve, që ishin të barabartë deri në atë moment të ndeshjes.
Episodi që “vrau” shanset e Nigerisë ndodhi 18 minuta pata fundit, kur gjatë një goditje nga këndi William Troost-Ekong mendoi të kthehej në mundës gjatë një dueli me Mario Mandzukic duke e “detyruar” gjyqtarin të akordojë penallti.
Luka Modric nuk gaboi nga pika e bardhë e 11-metrave, duke vulosur fitoren 2-0 për ekipin e drejtuar nga Dalic, i cili ka punuar edhe në Shqipëri si trajner i Dinamos.
Pasi u luajtën ndeshjet e para në Grupit C, Kroacia kryeson me tre pikë, Argjentina dhe Islanda kanë nga një pikë, ndërsa Nigeria zero. Në raundin e ardhshëm, Kroacia do të ndeshet me Argjentinën dhe Islanda me Nigerinë.
