Kukullat Matryoshka janë një nga simbolet më të njohura të Rusisë dhe shumë tifozë të cilët kanë udhëtuar drejt tokës ruse për të ndjekur nga afër kombëtaren e tyre pritet të mos i rezistojnë blerjes së tyreve. Të parët që u panë në praninë e këtyre kukullave janë yjet e kombëtares së Brazilit. “Selecoa” zhvilloi një stërvitje me dyer të hapura, ku të pranishëm ishin dhe fëmijët e lojtarëve.
Yjet e Brazilit, duke përfshirë mbrojtësin e Real Madridit Marcelo, u panë të pushonin me të rinjtë në fushë, në bazën e ekipit të Soçit, me një fëmijë që luante me kukulla tradicionale ruse.
Kukullat Matryoshka, të cilat paraqesin një sërë figurash prej druri me përmasa të zvogëluara të vendosura brenda njëri-tjetrit do të jetë një blerje e pa refuzueshme për shumë nga tifozët në Rusi këtë verë.
Në kuadër të kësaj, prodhuesit e këtyre artikujve kanë theksuar që ata janë të përgatitur mirë për Kupën e Botës duke pikturuar dhjetra imazhe të futbollistëve pjesëmarrës. Kjo përfshin yllin e Anglisë Harry Kane, i cili kur u pyet për ngjashmërinë e tij të përshkruar në disa nga kukulla tha se e bënin atë të duket “pak topolak”.
Ylli i Anglisë tha se ishte i etur të merrte në Angli disa prej kukullave.
