Kompania “Gatorade” (e cila është pije energjike në Amerikë), ka realizuar një film të animuar me metrazh të shkurtër të tilluar “Heart of Lio” (Zemra e Lios). Një histori e inspiruar nga jeta e yllit argjentinas të Barcelonës, Lionel Messi, që nga fëmijëria, problemet me shëndetin dhe arritjet në karrierë.
Autori i realizimit të këtij filmi, e ka sjellë jetën dhe vështirësitë, pengesat që sulmuesi i katalanasve ka kaluar për të realizuar ëndrrën e tij, pasionin e tij për të luajtur futboll. Me anë të këtij realizmi përcillet edhe një mesazh tejet i bukur dhe motivues për të gjithë ata persona që ëndërrojnë të bëhen dikushi në jetë. “Nëse keni një ëndërr për të ndjekur, asgjë nuk mund t’ju ndalojë”.