Mungojnë vetëm pak orë nga fillimi i gjysmëfinales së parë të Kupës së Botës. Të martën Franca e Deschamps do të përballet me Belgjikën, një nga surprizat e Kupës së Botës. Në prag të sfidës kundër transalpinëve, trajneri i përfaqësueses belge, Roberto Martinez komentoi përgatitjet e Belgjikës për sfidën.
“Kemi një shans unik dhe duam ta shfrytëzojmë. Në dy vitet e fundit kemi punuar shumë fort për tu bërë më të mirët në nivel ndërkombëtar dhe të gjithë futbollistët e përfshirë kanë kontribuar për të mbërritur deri këtu. Duam që futbolli belg të jetë krenar”. Ishin këto fjalët e trajnerit Martinez që ka shpenzuar edhe disa fjalë për paraardhësin e tij Marc Wilmots: “Wilmots ishte thelbësor për ndërtimin e këtij grupi”.
