Philippe Coutinho vlerësoi si vlerë pas ndeshjes me Meksikën “durimin deri në fund”, e cila i dha ekipit brazilian fitoren 2-0 në 1/8 finale, duke i hapur rrugë kualifikimit për në çerekfinale të Botërorit të Rusisë.
“Për herë të dytë kemi bërë rregullimet e nevojshme për të “deshifruar” lojën e rivalëve. Ne kemi arritur për t’u imponuar dhe tani duhet të mendojmë për kundërshtarin e ardhshëm”, – tha lojtari i Barcelonës, pas ndeshjes së luajtur në Samara.
Brazili do të luajë në çerekfinale, më 6 korrik, në Kazan, kundër Belgjikës, e cila dje mposhti Japoninë 3-2, me një përmbysje të jashtëzakonshme dhe dramatike.
