Borussia Dortmund tërhiqet nga gara për kartonin e Mario Mandzukic. Lajmi u konfirmua nga shefi ekzekutiv i klubit gjerman, Hans-Joachim Watzke, i cili mbylli çdo diskutim merkatoje lidhur me sulmuesin kroat të Juventusit.
59-vjeçari deklaroi se Mandzukic është një lojtar i madh dhe shumë ambicioz dhe për këtë e dëshironte si përforcim në skuadër, por që për fat të keq nuk mund të arrihet. Watzke deklaroi se bënë maksimumin, por drejtuesit e “Zonjës së Vjetër” nuk e shesin lojtarin, pasi e konsiderojnë të rëndësishëm për skuadrën.
