Vllazninë nisin ta shqetësojnë dhe problemet e brendshme. Rënia nga kategoria nuk u shoqërua vetëm me pikëllim dhe rebelim. Lojtarët rrezikojnë të humbasin dy prej pagave mujore për shkak se në kontratën e firmosur në fillim të sezonit iu është vënë si kusht i padiskutueshëm qëndrimi në Superiore. Por shumë prej të larguarëve pretendojnë se një e tillë nuk është e vërtetë prandaj këmbëngulin për dëmshpërblim.
Por e vërteta flet ndryshe nga sa thuhet, pasi në rregulloren e brendshme të kuqebluve, për skualifikimin nga kategoria Superiore “duhet të paguajnë” lojtarët për dështimin dhe jo klubi. Por nëse ccështje ndiqet penalisht, Vllaznia vë në rrezik një pjesë të madhe të buxhetit dhe deri më tani klubi shkodran është zhytur në kaos administrativ.
