Klubi i Manchester City ka bërë me dije në faqen e tij në internet blerjen e Claudio Gomes. 18-vjeçari nga Franca është një mesfushor me tipare mbrojtëse, i cili në të kaluarën ka qenë pjesë e Paris SG, me të cilin ka luajtur pesë ndeshje në UEFA Youth League. Për të thuhet se është pasardhësi i N’Golo Kante.
Adoleshenti, që mbushi 18 vjeç ditën e hënë, nuk pranoi të firmoste një kontratë profesioniste me kampionët e Francës, pasi u josh nga kampionët e Anglisë. Ai ka luajtur me të gjitha përfaqësueset e moshave të Francës dhe aktualisht është kapiteni i ekipit U-18.
Gomes është i shpejtë, i fortë, ka energji dhe një vizion të mirë të lojës. Ai është nisur për në SHBA ku i është bashkuar ekipit të Pep Guardiola për turneun miqësor dhe nuk përjashtohet mundësia që të luajë disa minuta kundër Liverpool ose Bayern Munich.
