Manchester City ka dështuar në blerjen e Jorginho, por synimi kryesor i kampionëve të Anglisë në merkato është të “blindojnë” yjet. Pep Guardiola e donte me çdo kusht një mesfushor qendre me karakteristikat e Jorginho, por ky i fundit zgjodhi të ndjekë Maurizio Sarri te Chelsea.
City do të bazohet te Fernandinho dhe Ilkay Gundogan, në këtë pozicion, pasi drejtorit sportiv Txiki Begiristain i është dhënë urdhri të përqendrohet te rinovimi i kontratave.
Raheem Sterling po futet në dy vitet e fundit të kontratës, drejtuesit e City janë të qetë, por në muajt në vijim do të punojnë për marrëveshjen e re me të.
Futbollistët e tjerë që City synon të blindojë janë Gabriel Jesus dhe Leroy Sane. Të dy të rinjtë aktualisht marrin 120 mijë euro në javë. Marrëveshjet e tyre skadojnë në vitin 2021.
Gjërat do të bëhen me ngadalë, por ky ka qenë urdhri i Guardiola, rinovimi me tre “yjet” e reja Sterling, Jesus e Sane…
