Mesfushori i Juventusit, Miralem Pjanic ka qenë një ndër emrat më të përfolur të ditëve të fundit në Itali në këto ditë të nxehta merktoje. Për boshnjakun kanë ardhur shumë oferta, por “Zonja e Vjetër” nuk pranon asnjë të tillë nën 100 milionë euro.
Së fundmi, sikurse shkruan “Tuttomercatoweb”, kampionët e Italisë po mendojnë të rinovojnë me 28-vjeçarin duke bërë ndryshime në kontratë. Aktulisht Pjanic përfiton një rrogë prej 4.5 milionë eurosh, ndërkohë që kjo e fundit nëse kontrata rinovohet do të shkojë në 7 milionë euro.
Në këto kushte, gjithçka mund të quhet e mbyllur, me përjashtim të rastit nëse vjen një ofertë më e mirë se ato që kanë mbërritur deri tani dhe plotësohet kërkesa e kampionëve të Italisë për të lënë të lirë boshnjakun.
