Futbollisti i Francës, Paul Pogba, ia dedikon fitoren e mbrëmshme të ‘gjelave’, fëmijëve tailandezë dhe trajnerit të tyre që mbetën të bllokuar në një shpellë
Futbollisti i Francës, Paul Pogba, ia dedikon fitoren e mbrëmshme të ‘gjelave’, fëmijëve tailandezë dhe trajnerit të tyre që mbetën të bllokuar në një shpellë. Përmes një postimi në Twitter ai thotë se është e rëndësishme që të mendohet edhe për njerëzit jashtë fushës së lojës.
“Kjo fitore shkon për heronjtë e ditës. Ju lumtë djema, jeni vërtetë të fortë.”, e nis ai postimin e tij. ‘Mesazhi është për ta’, ka shtuar mesfushori i Manchester United. ‘Ndeshja zgjat vetëm 90 minuta dhe më pas vijon jeta normale. Ne jetojmë ëndrrën tonë, por nuk duhet të harrojmë njerëzit jashtë fushës dhe jetën reale’ – thotë ai.
