Mbrojtësi i krahut Achraf Hakimi do të luajë dy sezonet e ardhshme në huazim te Borussia Dortmund. Lajmi është publikuar nga gazeta “Bild”, e cila raporton një marrëveshje pothuajse të mbyllur me Real Madridin. Tani kanë mbetur për t’u përcaktuar vetëm kushtet e kontratës mes futbollistit maroken dhe ekipit gjerman, pasi marrëveshja mes klubeve është arritur dhe do të lejojë që Hakimi të fillojë në Bundesliga një udhëtim të ngjashëm me atë që Carvajal ndërmori në Bayer Leverkusen. Objektivi është që të luajë rregullisht në një skuadër udhëheqëse të një kampionati të fortë, ku të rinjtë janë protagonistë, me qëllim që të mund të kthehet në “Santiago Bernabeu” si një lojtar i pjekur dhe Dortmund është ekipi i përkryer. Nga ana tjetër, largimi i marokenit i hap dritën jeshile afrimit të Álvaro Odriozola për të konkurruar me Carvajal në krahun e djathtë të mbrojtjes.
Real Madridi është në prag të nënshkrimit të mbrojtësit të Real Sociedad, Alvaro Odriozola në një marrëveshje në vlerë prej 40 milionë eurosh, sipas “AS” dhe huazimi i Hakimi ishte i domosdoshëm. Kampionët e Evropës kanë rritur interesin e tyre për 22-vjeçarin në prag të eliminimit të hershëm të Spanjës nga Kampionati Botëror. Bisedimet kanë hyrë në fazën përfundimtare dhe tani Real Madridi po përpiqet të zhvillojë një strukturë të pagesave me rivalët e tyre spanjollë përpara se të përfundojë një marrëveshje për mbrojtësin e djathtë. Trajneri Julen Lopetegui e mori Odriozola-n në skuadrën e tij U-23 të Spanjës për Kupën e Botës përpara mbrojtësit të Arsenalit, Hector Belleri-n para se të shkarkohej në prag të turneut, pasi njoftoi marrëveshjen me Real Madridin.
