Notarja amerikane Kathleen Baker ka lënë gjurmën e saj në Kampionatin Amerikan të Notit, duke vendosur rekord të ri botëror në garën e 100 metrave shpinë. 21-vjeçarja realizoi kohën 58”00, duke përmirësuar me 10 të mijëtat kohën e mëparshme (58”10), që ishte vendosur një vit më parë në botërorin e Hungarisë nga kanadezja Kylie Masse. Që në 50 metrat e para të garës u pa qartë që Baker po notonte më shpejt, duke dhënë një kohë të mirë, ritëm të cilin e ruajti deri në fund, duke vendosur rekord botëror.
Në Lojërat Olimpike “Rio 2016” ajo fitoi medaljen e artë në stafetën 4×100 metra miks, rezultat që e përsëriti edhe vjet në botërorin e Budapestit, ndërsa në këtë disiplinë (100 metra shpinë) është fituese e medaljes së argjendit si në Olimpiadë ashtu dhe Botëror. “Jam e lumtur për këtë rezultat, që më karikon edhe më shumë në prag të Botërorit. Tani dua të zbres nën 58” dhe e ndjej që mund të notoj edhe më shpejt. Do të vijoj të përgatitem për Botërorin”, tha notarja Kathleen Baker pas garës së zhvilluar në qytetin e Irvine.
👀 out 🌎, @KathleenBaker2 is on 🔥!
WATCH history as Kathleen Baker goes 58 flat to set a new WORLD RECORD in the 100m backstroke. #SCS2018 #Phillips66Nats pic.twitter.com/POWd3T3rAW
— U.S. Olympic Team (@TeamUSA) July 29, 2018
