Futboll Sport

Trajektorja e Luka Modriç, nga tmerret e luftës deri në majat e botës në futboll

Lufta në Kroaci shpërtheu në vitin 1991 dhe zgjati katër vjet, në të cilën, si në çdo luftë, vendi ballkanas u kthye në një makth të vërtetë. Me rastin e fundit të ndeshjes së Ligës së Kampionëve në “Bernabeu”, “Champions Total” i “Antena 3” prodhoi një raport me video, që fliste për lojtarin kroat të Real Madridit, Luka Modric, dhe kapiten i Kroacisë, të cilin ajo luftë e kapi kur ishte vetëm 5 vjeç dhe kishte fatkeqësi për të jetuar në lëkurën e tij. Ai pa tmerre me sy.

Videoja kombinon imazhet e kohës me ato të tanishme, përfshirë intervistat me anëtarët e NK Zadar, klubi ku Modric u formua, pas emigrimit nga fshati i tij me familjen. Mesfushori ka jetuar në një fshat të vogël, qe ka mbiemrin e tij. Por lufta mbërriti atje dhe ata u detyruan ta braktisnin atë, pasi kishin një ngjarje tragjike dhe ishin të vetëdijshëm për rrezikun, me të cilin po përballeshin, duke rrezikuar jetën e tyre.

“Luka pa me sytë e vet se si i vranë gjyshin, ata nuk kishin zgjidhje tjetër, përveçse të iknin në Zadar, për të mos u vrarë nëpër pyje dhe male”, – thotë drejtori sportiv i NK Zadar, Josip Bajlo.
Duke arritur në Zadar dhe duke shpëtuar jetën e tyre, Modric jetonte me familjen e në “Hotel Kolovare”, ku kënaqej duke luajtur futboll me fëmijët e tjerë. Talenti i tij nuk shkoi pa u vënë re nga punonjësit e hotelit dhe ata kontaktuan NK Zadar për të nënshkruar me të.

“Ai mori topin dhe bëri xhonglime me të, që si të ishte 20 vjeç. Në fakt, ishte 7, ose 8 vjeç”, – kujton Svetko Kasic, president i klubit të Zadar. Barbarizmi i luftës nuk la mënjanë edhe Zadarin, por nuk e pengoi Modric që të vazhdonte të luante futboll në rrugë, prej nga do të mbërrinte në lavdi dhe krenari për klubin që e formoi dhe gjithë vendin e tij.

“Ka pasur pengesa në jetën e tij, ai i ka kapërcyer gjithmonë, gjë që tregon se sa i madh është, – thotë ish-trajneri i mesfushorit, Robert Botunac. “Ai luan për Real Madridin, është kapiteni i Kroacisë. Çka mund të kërkojë më shumë?” – pyet ish-partneri i tij, Tomo Gluic. “Luka është lojtari më i mirë kroat në histori”, – përfundon presidenti i NK Zadar.

Trajektorja e Luka Modric pas NK Zadar
Modric e la NK Zadar në moshën 16-vjeçare për të nënshkruar me Dinamon e Zagrebit, por nga ky transferim përfundoi i huazuar tek ekipi boshnjak H.S.K. Zrinjski Mostar. Atje luajti ndeshjen e tij të parë profesionale, pak para se të mbushte 18 vjeç, dhe e përfundoi sezonin duke u emëruar lojtari më i mirë në Ligën e Bosnjës.

Pavarësisht nga kjo njohje, Dinamo Zagreb përsëri e huazoi në një ekip kroat të “Prva HNL”, Inter Zaprešić, me të cilin përfundoi i dyti në renditje. Pas këtyre dy transfertave, klubi i kryeqytetit kroat e pati Modric në katër sezonet e ardhshme, para se të arrinte te Tottenham në vitin 2008. Me gjigandët kroatë, ai ka fituar tre tituj të ligës, dy Kupa të Kroacisë dhe një Superkupë të Kroacisë. Modric barazoi atë që ishte nënshkrimi më i shtrenjtë në historinë e klubit të Londrës, atë të Darren Bent, prej 16.5 milionë paundë (rreth 20 milionë euro), me kalimin e tij te Tottenham.

Modric mbrojti fanellën e “Spurs” për 4 sezone, para se t’i bashkohej Real Madridit në verën e vitit 2012, pas disa javësh negociatash të vështira, që u mbyllën me transferimin e tij prej 30 milionë euro. Që nga mbërritja në “Bernabeu”, kroati ka qenë një nga lojtarët më të padiskutueshëm në formacionin titullar të Real Madridit. Aty ka fituar 4 Champions, 3 Superkupa Europiane, 3 Botërorë për Klubet, 1 La Liga, 1 Kupë Mbreti dhe 2 Superkupa Spanjolle.

Këtë të diel, në orën 17:00, ai mund të përmbushë ëndrrën e vet për të qenë një kampion botëror. Do të ishte një vit i paharrueshëm: Liga e Kampionëve me Real Madridin dhe Kupa e Botës me Kroacinë. Është historia më e bukur dhe emocionuese e tejkalimit nga lufta në majat e futbollit botëror. Si një përrallë me fund të bukur, por e vërtetë.

Related posts

U FUT NË FUSHË SI ZËVENDËSUES/ Sulmuesi i vendasve ndëshkon Kukësin, ja goli (VIDEO)

Delo.autor

Analiza e Allegri/ Hysaj ishte fantastik, neutralizoi Mandzukic

Sadik.Autor

Kante drejt lamtumirës nga Chelsea, klubi italian sfidon PSG-në

Sadik.Autor

Leave a Comment