Në pritje të Maurizio Sarrit, Chelsea po punon edhe për merkaton për të përforcuar skuadrën për sezonin e ardhshëm. Për mesfushën objektivi kryesor i Bluve të Londrës është uruguaiani i Interit Matias Vecino.
Mesfushori pëlqehet shumë nga Sarri i cili ka punuar me të gjatë periudhës që ishte trajner i Empolit. I pari në listën e shitjeve të Interit është portugezi Joao Mario megjithatë zikaltrit janë të gatshëm të dëgjojnë ofertat edhe për Vecino i cili pavarsisht golit deçiziv ndaj Lazios që kualifikoi Interin në Champions League, nuk e ka vendin të sigurtë në formacionin e Spallettit.
Për këtë arsye nuk kondisiderohet si i pashitshëm. Për të lënë të lirë futbollistin të cilin Interi e bleu 24 milionë euro nga Fiorentina, Interi kërkon 30 deri në 35 milionë euro.
