Agjenti i Leonardo Bonuccit është takuar me drejtuesit e Paris Saint-Germainit. Mediat italiane raportojnë se mbrojtësi është i sigurt se dëshiron ta braktisë Milanin dhe po përflitet se do ribashkohet me Gianluigi Buffonin në PSG.
Gazzetta dello Sport raporton se agjenti i tij Alessandro Lucci është takuar me PSG-në për kalimin e tij në Francë, dhe se tanimë është gjetur gjuhë e përbashkët për pagën e lojtarit.
Qendërmbrojtësi italian është kapiteni dhe lojtari më i paguar i Milanit, të cilit iu bashkua nga Juventusi për 42 milionë euro.
