Tashmë mund të quhet zyrtare. Sulmuesi ganez, Emanuel Mensah, do të jetë lojtari më i ri i Partizanit. Burime të sigurta për gazetën nga klubi i kuq, bëjnë me dije se Mensah sapo ka firmosur kontratën e re me “demat”.
Gjithçka ka ndodhur në orët e fundit, me Partizanin që ka parakaluar Kukësin në këtë tratativë. Kujtojmë që ditën e djeshme, sulmuesi që dy sezone më parë ka luajtur edhe për Laçin një gjysmë sezoni, kishte dalë në stërvitje me verilindorët. Edhe pse nuk kishte firmosur, ai po stërvitej me shokët e ekipit. Por sot, Mensah vendosi të zgjedhë Partizanin, duke zyrtarizuar gjithçka për të ardhmen e tij.
