Java e dytë e Bundesliga-s është hapur me ndeshjen Hannover-Dortmund, që sapo është mbyllur me rezultatin 0-0 në “HDI-Arena”. Një rezultat befasues ky, duke menduar për fitoren bindëse 4-1 që verdhezinjtë morën në ndeshjen e parë të kampionatit kundër Leipzig.
Rastet nuk i kanë munguar miqve, të cilët nuk janë treguar të saktë para portës së kundërshtarit. Ndeshja, gjithsesi, ka qenë e ekuilibruar dhe pika e marrë nga vendasit ka qenë e merituar. Për herë të parë që nga 1966-a, verdhezinjtë janë larguar nga fusha e Hannover pa shënuar gol.
Ky ka qenë barazimi i dytë radhazi për Hannover në dy javët e para të kampionatit dhe ata mbajnë vendin e 9-të të renditjes. Dortmund, nga ana tjetër, mban vendin e parë me katër pikë.
