Manchester United ka konfirmuar blerjen e Reece Devine dhe Connor Stanley. Dy futbollistët, që janë 17 vjeç, do të luajnë për një sezon me ekipin e të rinjve dhe më pas do të konfirmohet nëse kanë apo jo vend në skuadrën e parë.
Devine është mbrojtës i majtë, ndërsa Stanley është sulmues i djathtë dhe të dy do të vihen në dispozicion të trajnerit të Manchester U-18, Neil Ryan, te ekipi që vjet u shpall kampion i Anglisë për moshën e tij.
“Djajtë” synojnë që këta dy futbollistë të talentuar të ndjekin gjurmët e Scott McTominay, Marcus Rashford dhe Jesse Lingard që erdhën nga ekipet e moshave, por po lënë gjurmë edhe në skuadrën e parë.