Barcelona këmbëngul, PSG po reziston, ndërsa të mëdhatë e Italisë kanë nisur sfidën për të marrë një “po” nga Veronique, mamaje menaxhere e Adrien Rabiot.
Rreth talentit francez ka nisur një ankand i mirëfilltë, që sheh Juventus dhe Milan në radhën e parë, ndërsa Inter po përgatitet të nisë sulmin. Edhe në Katalonjë, shtypi flet për interesimin e Barcelonës, që ka kohë të lëvizë deri më 31 gusht.
Gjithsesi duhet marrë gjithmonë parasysh forca e Parisit. Thuchel po e aktivizon si titullar, me kohë të plotë, ndërsa presidenti Nasser Al-Khelaifi është i bindur se herët e vonë do të marrë firmën e rinovimit të kontratës.
Rabiot merr 2 milionë euro në sezon, ndërsa PSG i ofron 5 milionë euro me kontratën e re, por mamaja-menaxhere e tij, Veronique Rabiot, ka garantuar se nuk bëhet fjalë për parà dhe mund të tërhiqet vetëm nga premtimi se mund të jetë kapiteni i së ardhmes.
Në këtë situatë të paqartë, Leonardo i Milan ka nisur bisedimet me familjen Rabiot. Ata e duan brazilianin sepse ishte i pari që i bëri një kontratë profesioniste mesfushorit, katër vjet më parë. Gjithsesi nuk duhet nënvlerësuar Juventus, që synon të bëj një tjetër goditje të “tipit” Pogba…