E quajnë “The Wall”, pra “Muri”, për karakteristikat e tij fizike dhe ashpërsinë në ndërhyrje, por pasi ka mbyllur me kohë karrierën e tij në fushë, si futbollist, Valter Samuel do të nisë një eksperiencë të re, këtë herë, te Argjentina e tij.
Ish-mbrojtësi i Romës, Real Madridit dhe Interit zyrtarisht bëhet pjesë e stafit teknik të Argjentinës së Lionel Skaronit. Vetë federata argjentinase e futbollit e ka konfirmuar këtë lajm me një komunikatë zyrtare.
