Trajneri i Napolit, Carlo Ancelotti mund të konsiderohet i kënaqur me futbollistët e tij pas suksesit të mbrëmjes së të martës, në ndeshjen kundër Borussia Dortmund, të fituar me rezultatin 3-1. Një miqësore, që falë rezultatit, shërben për të fshirë nga memorja atë paraqitje skandaloze që të kaltrit e Ancelottit bënë të shtunën e kaluar në përballjen ndaj Liverpool.
“Në krahasim me ndeshjen e luajtur në Dublin ndaj Liverpool, sot kemi bërë më pak gabime. Por, nuk mjafton, sepse duhet të rritemi. Jam besimplotë për të ardhmen”, deklaroi trajneri i Napollit, Carlo Ancelotti, në analizën e bërë pas 90 minutave të luajtura ndaj Borussia Dortmund, të publikuar edhe në kanalin zyrtar të Napolit.