Rregullat janë rregulla, edhe te Real Madrid! Nëse drejtuesit e La Liga vendosin diçka, edhe “Los Blancos” janë të detyruar të vihen në rresht. Duhet ta bëjnë edhe për të shmangur gjobat. Në këtë rast bëhet fjalë për numrat e futbollistëve në fanellë.
Klubi, si gjithmonë, e ka modifikuar disi fanellën dhe që në miqësoret e para, ashtu edhe në Superkupën e Europës, përdorën një karakter tipografik të ndryshëm. Por në ndeshjen e parë kundër Getafe forma e numrave ndryshoi sërish.
La Liga ka nisur të ndjekë shembullin e Premier League, që e imponon llojin e grafikës së numrave që duhet të përdorin ekipet. Kjo nuk vlen në Champions Leauge ose Kupën e Mbretit, kësisoj Real ka përgatitur dy versione: atë që i pëlqen dhe atë që është i detyruar të përdorë në kampionat.
