Diletta Leotta ka shkëlqyer që në natën e parë si “kapitene” e skuadrës së transmetimit të DAZN, që transmetoi mbrëmë ndeshjen e parë për të në Serinë A, Lazio-Napoli.
26-vjeçarja nga Catania është drejtuese e superskuadrës DAZN, që do të mbulojë transmetimin e ndeshjeve, por edhe emisionet para dhe pas takimeve. Bukuroshja italiane, Diletta Leotta u bë e njohur te Sky me prezantimin e motit dhe më pas me drejtimin e disa programeve sportive.
26-vjeçarja do të shoqërohet nga tre yje të futbollit si Luis Figo, Paolo Maldini dhe Andriy Shevchenko, që do të pasurojnë komentin me opinionet e tyre mbi takimet.
Diletta Leotta është një “goditje” e vërtetë për DAZN, pasi bëhet fjalë për një nga vajzat më të preferuar a të ekraneve sportive, që do të tërheqë audiencë.