Kombëtarja gjermane duket se nuk po gjen qetësinë e duhur pas dështimit në Botëror, i cili po vijon me pasojat mbi ekipin e “panzerave”.
Pas tërheqjes së Mesut Ozil nga Kombëtarja dhe skandalit që shpërtheu pas akuzave të tij për racizëm në skuadër, tashmë një tjetër lojtar i ka dhënë lamtumirën 4-herë kampionëve të Botës.
Bëhet fjalë pikërisht për Mario Gomez, me sulmuesin e Stuttgart që ka mbyllur aventurën e tij në futbollin ndërkombëtar. 33-vjeçari ka qenë një ndër sulmuesit më të rëndësishëm të Gjermanisë në dekadën e fundit, duke regjistruar 31 gola të shënuar në 78 prezenca me fanelën e përfaqësueses.
