Kamza duket se po përgatit një skuadër mjaft kompetitive për sezonin e ardhshëm. Pas Olsi Teqjas, kamzalinjtë kanë zyrtarizuar përpara pak çastesh edhe marrëveshjen me nigerianin Nuruden Orelesi, me ish-lojtarin e Skënderbeut që tashmë do të jetë pjesë ekipit nga periferia e kryeqytetit.
Sipas njoftimit të vetë klubit, Orelesi ka rënë dakort për një kontratë një-vjeçare me Kamzën, me 29-vjeçarin që pritet kështu të prezantohet në ditët në vijim. Orelesi sezonin e fundit ishte pjesë e Vllaznisë, ndërkohë që pak javë më parë kaloi te Teuta.
Është e paqartë akoma formula e kalimit të tij te Kamza, por me shumë mundësi ai është dhënë në formë huazimi nga durrsakët për një sezon.