Trajneri i Partizanit, Skënder Gega në një prononcim për Supersport është shprehur se nuk është i qartë nëse episodi ishte penallti apo jo, sepse nuk është ai personi që vendos dhe përsa i përket këtij fenomeni nuk do të merret asnjëherë me arbitrat.
“Erdhëm për të fituar. Loja kishte ulje-ngritjet e veta. Jam i kënaqur. Në fakt duhet të ishim më mirë. Për penalltinë mendoj se ka shkuar me vrull te lojtari jonë. Arbitri ndoshta e ka patur të vështirë. Nuk besoj se është penalltia që do vendoste fatin.
Jam i kënaqur se ekipi po luan mirë, i zbatoi detyrat që kishte. Ka gabime, por do mundohemi t’i rregullojmë. Nuk do thoja që penalltitë e padhëna janë qellimisht, sepse kjo nuk më takon mua. Nuk jam njeri që paragjykoj dhe nuk do hyj ndonjëherë te arbitrat, por tani për tani kaq mund të them”.
