Tashmë ata do të përballen me drejtësinë. Por përveç akuzave që rëndojnë mbi të dy, le të mësojmë se cila është karriera e tyre futbollistike. Armir Grima luajti si portier për 13 vite (1993-2006). Skuadra me të cilin spikati më tepër ishte Vllaznia me të cilët regjistroi 298 ndeshje në total. Ai ka shëtitur dhe në skuadra të tjera Ethnikos, Dinamo dhe Partizanin. Grim ka qenë pjesë e Kombëtares së Shqipërisë në vitet 1998-2000 ku është aktivizuar në 4 ndeshje.
Që prej vitit 2016, ai drejtonte Kombëtaren e femrave të Shqipërisë.
Fabiol Rexhepi e nisi karrierën me Vllazninë në 2007 me të rinjtë kuqeblu. 26-vjeçari ka shërbyer në shumë skuadra si: Naftëtari, Sukthi, Tërbuni dhe Besëlidhja.
Ata priten të përballen së shpejti të ballafaqohen me akuzat në Gjykatën e Krimeve të Rënda.
