Valon Behrami është kapiten i ri i skuadrës italiane Udinese. Mesfushorit nga Kosova iu besua shiriti i kapitenit nga trajneri i skuadrës Julio Velaquez. Në një intervistë për ‘Corriere Dello Sport’, Behrami ka folur rreth shiritit të kapitenit.
“Pas mbylljes së merkatos, kur u vendos se do të qëndroja në skuadër, Velaquez më thirri dhe më tha se kishte marrë vendim për të ma besuar shiritin e kapitenit”. Shqiptari thotë se është krenar që e mbanë shiritin e kapitenit te Udinese.
“Jam krenar që e barti shiritin e kapitenit. Është një vlerësim për mua, pasi autoritetin e kam pasur gjithmonë në dhomat e zhveshjes”, thotë mesfushori nga Kosova. “Gjithmonë dhe gjithkah ka kam luajtur kam qenë lider dhe ky është një vlerësim i madh për mua nga trajneri dhe klubi”.
33-vjeçari në fund ka thënë se kanë kualitet si skuadër dhe se presin të bëjnë gjëra të mëdha këtë vit.
