Paraqitjet me ulje ngritje, nga ana e Luis Suarez nuk kanë qenë bindëse për Barcelonën, që pas 4 sezoneve mund të largojë bomberin uruguaian.
Për të zëvendësuar 31-vjeçarin, ish-lojtarin e Liverpool-it, katalanasit janë duke menduar të hyjnë në tratativa me Tottenham-in, për të siguruar shërbimet e britanikut Harry Kane, i ndjekur për një kohë të gjatë edhe nga Real Madrid.
Sipas asaj që raporton Don Balon, dy ekipet spanjolle mund të sfidojnë njëra tjetrën verën e ardhshme, në mënyrë që të transferojnë 25-vjeçarin nga Walthamstow.
Por të hysh në bisedime me Spurs nuk është aspak e lehtë, pasi ata nuk janë të gatshëm të ulin pretendimet. Në rast se Barcelona arrin të bindë Tottenham-in, mund të flitet për një shifër rekord të shpenzuar për blerjen e një lojtari.
