Inter pritet të ndryshojë skemën nga katër me tre mbrojtës për ndeshjen e së martës ndaj Tottenham në Champions League. Zikaltrit luajtën me skemën 3-4-3 në javën e dytë të sezonit gjatë barazimit 2-2 me Torino-n, por pas asaj sfide Spalletti iu rikthye mbrojtjes me katër.
Gjithsesi, Gazzetta dello Sport raporton se Inter pritet të rikthehet edhe njëherë te skema me tre mbrojtës, me Miranda që pritet të rikthehet përkrah Skriniar dhe De Vrij.
D’Ambrosio ka pësuar një dëmtim dhe në krahë pritet të luajnë Candreva dhe Asamoah. Icardi do të jetë në sulm dhe do të ndihmohet nga Perisic dhe Nainggolan.
Formacioni i mundshëm: Handanovic; Skriniar, De Vrij, Miranda; Candreva, Vecino, Brozovic, Asamoah; Perisic, Nainggolan; Icardi
