Lirim Kastrati është vetëm 19 vjeç, por ka arritur të bëjë shumë mirë në Kroaci me Lokomotivën e Zagrebit, duke shënuar edhe mjaft gola deçiziv për ekipin e tij. Pas performancës së mirë që ka zhvilluar, padyshim që sulmuesi kërkohet nga Shqipëria dhe Kosova, por që është vetë Kastrati, i cili në një prononcim për mediat kroate është shprehur se dëshiron të vesh fanelën e Kroacisë.
” Kam folur me njerëz nga të dy federatat. Ende nuk e kam vendosur, megjithatë unë kam dëshirë të luaj me Kroacinë. Për momentin nuk kam ende një pasaportë kroate, por mund ta marr sa të mbush tre vite që luaj këtu. Kroacia është më mirë se Shqipëria dhe Kosova në futboll, kështu që kam shumë dëshirë që të luaj me Kroacinë”, ka përfunduar sulmuesi.