Legjenda e Tiranës Ali Mema po lufton me vdekjen prej një kohe të gjatë. Ikona bardheblu dhe ish-futbollisti I Kombëtares sonë vuan prej një viti nga diabeti. I biri i tij Ard Mema ka rrëfyer për gjendjen shëndetësore të të atit.
“Babai vuan prej një viti nga diabeti. Ka shkuar 2-3 herë në spital dhe po kurohet në shtëpi. Gjendja e tij është shumë e rëndë. E kanë vizituar miq dhe kolegë. Pyesin shumë për të. Kur të vjen e keqja duhet ta presësh. Kemi bërë të pamundurën, por gjendja nuk duket fare mirë sa vjen dhe bëhet më keq. Vetëm presim se çfarë do të ndodhë. Nuk di të them sa do zgjasë kjo situatë. Nuk është si traumat fizike që pësojnë futbollistët që u përcakton kohën”, shprehet Ard Mema.
Kujtojmë që Ardi është në pozicionin e zëvendës trajnerit te skuadra e Flamurtarit. Sigurisht në këto momente të vështira, ai ndodhet pranë të atit të tij.
