Në pritje të konfirmimit rreth ndryshimit të pronësisë, me Silvio Berlusconi-n dhe Adriano Galliani-n të gatshëm për të marrë drejtimin, bëhen të ditur lojtarët që do përbëjnë Monza-n e re. Skuadra, që aktualisht është ende në pronësi të Nicola Colombo, mund të përjetojë së shpejti një fillim të ri nën drejtimin e dy ish-Milanistëve. Kjo është arsyeja pse, po mendohet që tani për emrat që mund ta rilindin ekipin.
Sipas asaj që raporton QS, emri i preferuar për Monza-n e re mund të jetë ai i kampionit të botës Alberto Gilardino. Berlusconi dhe Galliani, në marrëdhënie të shkëlqyera me sulmuesin, mund të sjellin menjëherë një lojtar të nivelit më të lartë ndërkombëtar për rilindjen e klubit. Deri tani është vetëm një hipotezë, por nuk duhet përjashtuar plotësisht po të marrim parasysh situatën aktuale të bomberit: lojtari i lindur në vitin 1982, në fakt, është aktualisht pa ekip, pas aventurës të fundit me ekipin e Spezia-s dhe do ta mirëpriste ofertën, për ta rinisur nga një ekip me ambicie si Monza.
