Në tetor 2004, teksa Barcelona po luante përballë Espanyol, Frank Rijkaard vendosi që të bënte një ndryshim në formacion dhe hodhi në fushë Lionel Messin. Në atë moment, lindi një legjendë e futbollit spanjoll, por edhe atij botëror.
Sot, 442 ndeshje më vonë dhe një numër të pafundëm arritjesh personale, ylli argjentinas do të shtojë në listën e tij një tjetër rekord. Në ndeshjen përballë Girona, 31-vjeçari do të shndërrohet në lojtarin me më shumë paraqitje në La Liga, i cili thyen rekordin e vendosur nga Dani Alves.
Në 15 sezone radhazi, ai ka fituar 320 ndeshje, numëron 66 barazime dhe 37 humbje, ku dhe ka shënuar 386 gola, duke u bërë golashënuesi më i mirë në historinë e Kampionatit Spanjoll.
Bardhë e kuqtë, nuk kanë kujtime të mira nga Messi, i cili u ka shënuar dy herë në ndeshjen ku humbën me rezultatin 6-2. Tashmë, me një trajner të ri në krye, Barcelona do të synojë sërish vetëm fitoren, dhe nuk duket të jetë shumë e vështirë për katalanasit që të marrin 3 pikët e nevojshme.
Megjithatë, në futboll, asnjëherë nuk i dihet…