Nikola Kalinic nuk i ka lënë një kujtim të mirë tifozëve të Milan, si pasojë e një sezoni me të vërtetë të dobët për të me fanellën kuqezi, teksa aktualisht ka shkuar te Atletico Madrid.
Por kroati vazhdon të ndjekë me shumë interes kampionatin italian, aq shumë sa dje, ka komentuar postimin e nxjerrë nga Bonucci në “Instagram”, që tregon festimin e tij kundër golit të shënuar ndaj Napoli.
“Komplimente për titullin,” – ishte komenti i Kalinic, edhe pse kampionati është vetëm në javën e shtatë. Një mesazh që ka mërzitur tifozët e Milan, por që gjithsesi ka treguar se Kalinic i ka idetë e qarta se cila skuadër do të fitojë kampionatin.