Luhet në stadiumin e Kamzës, sfida e javës së gjashtë, midis vendasve të Kamzës dhe ekipit të Laçit. Ekipi i Klodian Duros, pas humbjes javën e kaluar ndaj Kukësit, do të kërkojë pikë ndaj kurbinasve, por në një stadium pa tifozë.
Ndërkohë, nga ana tjetër, Laçi vjen në këtë sfidë, ende pa provuar shijen e humbjes në kampionat, dhe ekipi i Mërgjyshit do të vazhdojë këtë ecuri në këtë fillim kampionati.
LIVE | Kamza-Laçi 0-0
KOMENTI LIVE
Mbyllet pjesa e parë. Kamza-Laçi 0-0
45′ 1 minutë shtesë.
39’ Mundësi e shkëlqyer për Kamzën. Martinena merr një top nga një goditje dënimi në të majtën, por goditja e tij me kokë lë shumë për të dëshiruar, edhe nga shumë pranë zonës.
29’ Kundërsulm i shpejtë të kurbinasve me anë të Xhixhës, shërben për Jonuzin në hyrje të zonës, ku i fundit godet, por topi devijohet në këndore.
21’ Martinena godet me kokë një krosim nga e majta, por është portieri Selmani ai i cili largon rrezikun duke grushtuar.
17’ Minuta të vështira këto për Laçin, ku kurbinasit gjenden të tërhequr në gjysmëfushën e tyre, ndërsa Kamza sulmon, por pa mundur të çajë “gardhin” e bardhezinjve.
14’ Zëvendësim i detyruar i Duros. Plaku lë fushën e lojës i dëmtuar, futet Niko Zisi.
10’ Godet Xhixha nga jashtë zone, por pa shënjestrën e duhur.
3’ Altinparmakovski depërton nga e majta, kroson në zonë, por askush nuk gjendet për të rrezikuar.
1′ Nis me disa minuta vonesë takimi në Kamzë, prej faktit se delegati i ndeshjes ka vërejtur se në tribunën VIP ka më shumë persona se sa e lejon rregullorja. Kujtojmë që takimi luhet pa tifozë, pasi ekipi i Kamzës është dënuar nga Komisioni i Disiplinës.
FORMACIONET
Kamza: Avdyli, Frashëri, Teqja, Arrabal, Idrizaj, Malaj, Orelesi, Mehmeti, Plaku, Fukui, Martinena Trajner: Klodian Duro
Laçi: Selmani, Fangak, Toro, Gjoni, Sefgjini, Eller, Jonuzi, Lushkja, Shtubina, Xhixha, Altparmakovski Trajner: Artan Mërgjyshi