Futboll Premier League Sport

NUK PO SHKËLQEN/ Klopp: SALAH ka humbur shënjestrën, por kam ende…

Një tjetër ndeshje përe t’u harruar ajo e sulmuesit egjiptian Mohamed Salah, që nuk shkëlqeu në fushë në barazimin 1-1 që Liverpool arriti në minutat e fundit ndaj Chelsea. Madje Salah u zëvendësua në minutën e 66-të nga trajneri Jurgen Klopp, duke i lënë vendin Shaqirit. Egjiptiani pati disa mundësi për të shënuar në portën e Chelsea dhe t’i jepte një drejtim tjetër këtij takimi, por gaboi dhe duket se shënjestra e tij është “ndryshkur”.

Klopp nuk e kritikon lojtarin, por pranon që prej më shumë nga ai. “Një gjë është e sigurtë, kjo nuk ishte ndeshja më e mirë e Salah. Janë këto ndeshje ndaj rivalëve që të bëjnë një lojtar të madh. Nëse gabon ai gabon edhe skuadra. Ai kërkoi të jetë vendimtar dhe në të tilla ndeshje të gjithë kanë dëshirë të shënojnë. Nuk besoj se Salah ka harruar se si shënohet, pasi është njësoj si të ecësh me biçikletë, nuk harrohet asnjëherë”, u shpreh Jurgen Klopp.

Më tej, trajneri gjerman shton: “Ai ka nevojë të jetë i qetë dhe të punojë. Nuk po shkëlqen, por unë kam ende shumë besim tek ai, pasi është një kampion i madh. Ndaj Chelsea ne patën 6-7 raste shënimi, por nuk i konkretizuam ato dhe rrezikuam të humbisnim. Kjo është jeta”.

Related posts

Telashet për Vllazninë nuk kanë fund, shkodranët paditen nga lojtari i tyre për të shkuar tek Tirana

Isa.Autor

Perisic zbulon arsyen e rilindjes së Interit dhe kërcënon Milan-in

Sadik.Autor

MILAN-ROMA/ “Kuqezinjtë” përfitojnë një penallti, Kessie nuk fal nga pika e bardhë (VIDEO)

Delo.autor

Leave a Comment