Luis Figo ishte në “Golf Club Herreria”, ku u mbajt turneu i bamirësisë për të siguruar fonde në luftën kundër kancerit të gjirit, e organizuar nga “Clinica Menorca”. Portugezi nuk mund ta humbiste mundësinë për të folur për mediat në lidhje me Real Madridin dhe Cristiano Ronaldon.
Kartoni i kuq për Cristiano Ronaldon: “E kam parë pak të ekzagjëruar, sepse në fund të fundit, unë nuk mendoj se bëri ndonjë gjë të rëndësishme, të mjaftueshme për t’u përjashtuar nga loja. Nuk e di se çfarë mund të ketë parë arbitri kryesor, ose asistenti i tij pas porte, që ne në televizion nuk e konstatuam. Kjo e bën pak më të vështirë situatën”.
Ndeshja e Real Madridit kundër Romës: “Skuadra e Lopetegui luajti shumë mirë. Ju duhet të jenë të lumtur për punën kolektive dhe individuale të lojtarëve të Real Madridit, të cilët si gjithmonë do të synojnë për të fituar titullin dhe të bëjë një sezon të madh në Ligën e Kampionëve”.
Krahasimi i këtij Real Madridi dhe atij me Cristiano Ronaldon: “Mendoj se do të bëhen gjithmonë krahasime, sepse Ronaldo ka shënuar një epokë te Real Madridi. Për momentin nuk është më te Real Madridi dhe duhet të mësohemi të gjithë me këtë realitet. Ronaldo ishte një lojtar mbresëlënës në Madrid, me numra të jashtëzakonshëm, por jeta vazhdon. Me siguri, ata që janë dhe do të mbërrijnë në “Bernabeu”, do të bëjnë një tjetër histori në këtë klub”.
Griezmann e krahason veten me Messin dhe CR7: “Kjo është e parëndësishme, nëse është apo nuk është në lartësinë e tyre. Unë mendoj se Griezmann është një lojtar i madh, që çdo vit po përmirësohet. Ai ka bërë një sezon fantastik, ku ka fituar tituj shumë të rëndësishëm. Kjo është ajo ajo që ka më shumë rëndësi”.
Rreth fjalëve të Ramos për Griezmann: “Nuk kam asnjë koment mbi deklaratat e të tjerëve, unë besoj se secili është përgjegjës për atë që thotë. Nuk jam këtu për të vlerësuar ato që thonë të tjerët”.
“Topi i Artë” për Modriç: “Unë vij sot të luaj golf, nuk dua të futem në telashe”.
