Manchester United raportohet se do të ketë konkurrencën e Paris Saint-Germain për firmën e mbrojtësit të Juventus Alex Sandro. 27-vjeçari është kthyer në një nga mbrojtësit e majtë më të mirë në botë pasi iu bashkua bardhezinjve nga Porto për 25 mln euro më 2015.
Sipas francezes Le 10 Sport, PSG e ka identifikuar brazilianin si objektivin kryesor në merkato. Ata pretendojnë se lojtari ka një marrëdhënie të mirë me drejtorin sportiv Antero Henrique, të cilin e njeh nga koha kur ishte te Porto.
Sandro së fundmi ka deklaruar se mund të largohet nga Zonja e Vjetër pasi pretendon se nuk i është ofruar rinovimi nga klubi italian. Tre herë fituesi i Serie A ka një kontratë deri më 2020, dhe Juve nuk e ka me ngut t’i ofrojë një kontratë të re.
Sandro ka qenë titullar në të gjitha ndeshjet e Juves këtë sezon, teksa skuadra e Allegrit ndodhet në vend të parë të renditjes pas pesë fitoreve në pesë ndeshjet e para.