Quhet Paco Alcacer dhe Barcelona e largoi së të dështuar në fund të merkatos. Ishte Dortmundi, ekipi që e mori huazim, por që tani mendon seriozisht ta bëjë të vetin. Sulmuesi spanjoll këtë sezon deri më tani ka shënuar 9 gola në 5 ndeshje dhe më e çuditshmja është se vetëm në një ndeshje, ka luajtur 90 minuta.
“Snajperi” spanjoll në miqësoren e djeshme, Uells-Spanjë shënoi 2 herë brenda 29 minutash. Ndersa ndeshja që bëri bujë ishte ajo mes Dortmundit dhe Augsburgut e cila përfundoi 4-3, ku Alcacer shënoi 3 gola në pjesën e dytë. Ekipi gjerman është gati që tani ta blejë përfundimisht nga Barcelona dhe ta paguajë 8 milionë euro në sezon.