Lionel Messi u detyrua të largohet nga fusha gjatë ndeshjes Barcelona-Sevilla e përfunduar me fitoren e katalanasve 4-2, për pasojë të një dëmtimi në bërryl. Problemi i vuajtur nga numri 10, njëherësh kapiteni i ekipit blaugrana shqetëson shumë të gjithë në kampin e Barças.
Referuar njoftimeve të para që vijnë nga kampi katalanas, sikurse njofton “Mundo Deportivo”, dëmtimi konsiderohet i rëndë dhe me goditjen e pësuar në krah gjatë momentit të rënies, Messi mund të ketë dëmtuar kolateralin dhe mund të qëndrojë jashtë fushave për disa javë. Në kalendarin e Barcelonës janë Inter dhe Real Madrid, dhe për momentin, duket gati e pamundur që të mund të rikuperohet në kohë.
