Elvis Plori do të vazhdojë të jetë në krye të Kastriotit. Drejtuesit e klubit krutanë nuk e kanë pranuar kërkesën e teknikut për dorëheqje nga drejtimi i skuadrës, por i kanë komunikuar trajnerit se nuk është ai shkaktar i rezultateve negative të skuadrës.
Sipas burimeve të gazetës, drejtuesit e klubit e kanë refuzuar kategorikisht kërkesën e trajnerit për rishikim pozicioni. Plori deklaroi menjëherë pas humbjes ditën e mërkurë, 2-3 ndaj Tiranës, se do i paraqiste dorëheqjen drejtuesve të klubit krutan.
