Aventurës së Stefano Okaka në Premier League po i vjen fundi. Sulmuesi italian, pas dy sezonesh me Watfordin nuk gjen hapësira dhe do të përfitojë nga merkato e dimrit për të gjetur një sistemim të ri dhe konkretisht në Primera Division.
Janë disa ekipe spanjolle si Espanyol, Levante dhe Girona që interesohen për 29-vjeçarin i cili u afrua nga Mazzarri në stolin e ekipit dhe tani nuk është më në planet e trajnerit aktual, Javi Garcia. Okaka ka luajtur vetëm një ndeshje këtë sezon në Kupën e Ligës, një sinjal i qartë që sulmuesi është zgjedhja e fundit për repartin e avancuar.
