Ardian Mema drejt stolit të Tiranës. Pas largimit zyrtar të Ze Marias, mbetet çështje orësh që të emërohet trajneri i ri, pikërisht ish-i bardhebluve, që kohët e fundit ka punuar si ndihmës i Ilir Dajës te Skënderbeu dhe te Flamurtari. Klubi bregdetar nëpërmjet një postimi në faqen zyrtare njofton ndërprerjen e kontratës me Memën.
“Klubi njofton mbylljen e bashkëpunimit me trajnerin e dytë Ardian Mema. Flamurtari Football Club dhe Ardian Mema kanë vendosur të ndërpresin me mirëkuptim marrëveshjen mes palëve.
Duke e falënderuar për bashkëpunimin, Flamurtari F.C i uron suksese në karrierën e tij si trajner”.
Edhe pse presidenti Halili nuk e pranoi zyrtarisht që do të jetë Mema pasues i Ze Marias, largimi i tij nga Flamurtari është tregues i qartë se do të jetë ai trajneri i ri i Tiranës.
