Radja Nainggolan, në një intervistë të dhënë për “La Gazzetta dello Sport” para derbit Inter-Milan, ka zbuluar emrin e lojtarit që do t’i hiqte kuqezinjve.
“Kë do të hiqja nga Milani? Bonaventura-n. Ai di si të bëjë diferencën. Është teknik dhe inteligjent”, tha belgu.
Bonaventura ka bërë një start të mirë për kuqezinjtë këtë sezon të Serisë A, me 3 gola të shënuar në 7 ndeshje dhe një asist. Vetëm një gol më pak se blerja e re e Milani-t, Gonzalo Higuain.
Gjithashtu, ish-lojtari i Atalanta-s ka filluar të luaj rregullisht me kombëtaren italiane. Ai ka bërë 13 paraqitje me “Axurrët” që nga debutimi i tij në vitin 2013, por është ende në kërkim të golit të tij të parë me përfaqësuesen.
