Në një të dielë pa kampionat, kënaqësia më e madhe për trajnerin e Sasuolos, Roberto De Zerbin, vjen nga Festivali i Sportit Trento, ku Pep Guardiola, i ftuar bashkë me Arrigo Sakin dhe Karlo Ançelotin për një debat mbi bukurinë e sportit, ka marrë lavdërime nga gjeniu spanjoll i trajningut.
SASUOLO – “Kur shoh Sasuolon tek luan, më krijohet ideja e një futbolli proaktiv. Është një shembull për ekipet e vogla, që nuk luajnë për tu mbrojtur.”
BARCELONA – “Nuk kam shpikur gjithçka aty. E them këtë dhe jam modest, thjesht isha me fat që kisha kaq shumë lotjarë që ishin rritur në akademinë e klubit, dhe kishin luajtur bashkë që kur ishin fare të vegjël. Ishte një kombinim yjesh dhe kjo nuk ndodh shumë shpesh.”
TIKI TAKA – “Ky është një koncept që në fakt nuk më pëlqen shumë, kjo fjalë duket më shumë si tallëse, por më pëlqen që i është përshtatur kësaj loje. Nëse flasim për atë skuadër fantastike të Barcelonës edhe për 20 vite, do të thotë që diçka e mirë është bërë.
MESI – “Një kafshë kompetitive, shumë i egër. Është një futbollist që të ndihmon gjithmonë, e urren të humbasë, nëse skuadra e shoqëron dhe është në nivelin e tij, ai bën gjithmonë diferencën.”
TRAJNER NË ITALI? – “Pse jo. Vite më parë, më thanë se nuk do kisha mundësi kurrë të trajnoja në Gjermani, por ja ku jemi sot. Unë shkova në Bundesligë, dhe u përgjigja, pse jo. Italia mbetet një opsion.