Në një kampionat ku të gjithë shkojnë në play-off për titull, Zlatan Ibrahimovic ia del mbanë të eliminohet! Humor, por që në një farë mënyre batuta qëndron, sepse ajo që ka ndodhur mbrëmjen e së dielës në kampionatin amerikan është në kufijtë e absurdes.
LA Galaxy priste Houston Dynamo dhe me një fitore kualifikohej për në play-off, ndërsa përballë kishte një rival të eliminuar prej kohësh dhe me zero motivim.
Gjithçka e lehtë, mjafton të kesh në ekip një si Ibra, 22 gola në 27 ndeshje këtë sezon, apo jo? Pjesa e parë spektakël, Kamara 2 gola në minutat 27 e 30, Galaxy në avantazh 2-0 dhe festa kishte nisur.
HIGHLIGHTS: LA Galaxy vs. Houston Dynamo
LA Galaxy out. A Decision Day thriller saw the Houston Dynamo comeback to beat Zlatan Ibrahimović & company 3-2.
Gepostet von Major League Soccer (MLS) am Sonntag, 28. Oktober 2018
Në pjesën e dytë një dramë pa fund: Në minutat 57, 73 e 79 erdhi përmbysja e pabesueshme e Houston-it, ndërsa Galaxy shihte e pafuqishme t’i digjej ëndrra play-off.
Ibra nuk bëri dot asgjë për të evituar dështimin, që është edhe dështim personal i tij, sepse nuk do të mbahet mend thjesht për golat e shumtë që shënoi, por edhe për faktin se nuk e kualifikoi dot ekipin e tij, në një kampionat ku 12 nga 23 ekipet pjesëmarrëse avancojnë në play-off.
Me shumë gjasa ishte ndeshja e fundit në Amerikë për gjigantin suedez, i cili ka oferta nga gjithë bota dhe me shumë gjasa në janar kthehet në Europë.
