Po luhet në “Selman Stërmasi” sfida e vlefshme për javën e 9-të të Kategorisë Superiore mes Partizanit dhe Luftëtarit.
Kryeqytetasit e Skënder Gegës, do të kërkojnë të vijojnë serinë e rezultateve pozitive, teksa vjen në ketë sfidë nga një ecuri e shkëlqyer. Nga ana tjetër, Luftëtari i Gentian Mezanit në 8 javë kampionat ka grumbulluar vetëm 6 pikë, teksa ndodhet në një pozitë jo komode.
Në sfidën e fundit, gjirokastritët u mposhtën në shtëpi nga Skënderbeu me rezultatin 0-2. Në 5 përballjet e fundit mes këtyre 2 skuadrave, 3 herë ka fituar Partizani, 1 herë Luftëtari dhe një sfidë është mbyllur në barazim. Në rast fitoreje në takimin e sotëm, të kuqtë do të rimarrin kreun, teksa aktualisht kryeson Skënderbeu me 1 ndeshje më shumë.
LIVE| PARTIZANI-LUFTËTARI 1-1
Mensah 21′ / Shkurtaj 40′
KOMENTI LIVE:
40′ GOOOOL LUFTËTARI 1-1. Shkurtaj barazon shifrat. Pas një asist të Radoviç sulmuesi gjuan saktë në cepin e portës së portierit Xhika duke vendosur baraspeshën në “Selman Stërmasi”.
37′ Luftëtari fiton një goditje dënimi. Provon Milosavljev me një gjuatje nga 30 metra, por topi shkon jashtë kuadratit.
30′ Kërkon të reagojë Luftëtari me Shkurtajn, por sulmuesi nuk arrin të godasë me kokë nga brenda zonës.
24′ Spektakël nga ajëri, mbi stadium fluturon një parashutë ku shkruhet Partizani. Ndizet atmosfera në këto momente.
23′ Pranë golit të dytë Partizani me Mensah, por largojnë në momentin e fundit lojtarët e Luftëtarit, duke e dërguar topin në këndore.
21′ GOOOOL PARTIZANI 1-0. Mensah kalon në avantazh kryeqytetasit. Ka protesta nga lojtarët e Luftëtarit, të cilët pretendojnë për një faull ndaj portierit.
14′ Mala provon me një goditje drejt portë, por pret portieri Ruçi.
9′ Liçaj ndëshkohet me karton të verdhë për ndërhyrje të gabuar ndaj Asanit, humbet ndeshjen e radhës ndaj Kastriotit.
8′ Asani rikuperon një top dhe provon me një gjuajtje drejt portës, por e lehtë, topi shkon në duart e portierit.
6′ Luftëtari kërkon të dalë me shpejtësi në sulm, i vëmendshëm Belica që ndërhyn, duke larguar topin.
4′ Luftëtari kërkon të rrezikojë me një krosim nga e majta, por largon bukur Atanda.
2′ Goditja e parë nga këndi i përket Partizanit, por largojnë rrezikun lojtarët e Luftëtarit.
1′ Ka startuar takimi në “Selman Stërmasi”. Në stadium i pranishëm edhe trajneri i Vllaznisë, Hasan Lika dhe artisti Robert Alija.
