Ditën e sotme në orën 14:00 luhet ndeshja mes Lushnjes dhe Bylisit. Kjo ndeshje mund të quhet dhe derbi për ngjitje në Superligë. Lushnja dhe Bylisi kanë vite që ngjiten dhe bien nga superiorja dhe shumicën e rasteve kanë luftuar të vetme për ngjitje.
Trajneri i Lushnjes, Ilir Gjyla i trembet arbitrimit jo të drejtë dhe ai e di mënyrën sesi fitohet në këtë ndeshje. Ai ka thënë: “Me një gjykim të mirë ne i mundim ballshiotët”. Tekniku lushnjar ka vlerësuar maksimalisht kundërshtarin dhe vështirësinë e ndeshjes. Por ai është shprehur se eskipi i tij është i përgatitur për këtë ndeshje, në mënyrën më të mirë të mundshme.
